Elliðvatnsgæsir í morgun.
,,Ég hef veitt hér í 30 ár og þetta er lang versta vertíðin frá upphafi? sagði lífsreyndur veiðimaður á bakka vatnsins í morgun. Var með þokkalegan urriða í háfi en bætti við þegar beðist var afsökunar á að trufla: ,,Þetta er næsti bær við aldautt?. Þessi lífsreyndi veiðimaður segist stunda stangveiðina vel, 60-70 dagsparta á ári og gengur vel búinn til veiða: ,,Þetta er 110 þúsund króna stöng? hampar hann Sage ofurfjarka, ,,en það er ekki dýrt eftir að ég hætti að veiða lax?. Segist mest nota smáar pöddur í Elliðavatni, 14-16, tímir ekki að setja nobbler fyrir urriða á þessa fínu stöng. Stundar vötnin við borgina, félagarnir voru á Þingvöllum í gær og fyrradag og fengu mest smælki. ,,Það er eins og þriðja vika í maí sé rétt að byrja núna? segir hann um fiskeríið. Vorið er svo kalt og allt svo seint?. Við sjáum ekki mikið af fiski að vaka. Bara einn og einn. Er þetta virkilega svona slæmt? spyr njósnari flugur.is. ,,Ég ætti að vera kominn með 300 fiska núna úr Elliðavatni, ætli þeir nái 100?? Hvað gerir þú við allan þennan fisk, vinnur og verkar? ,,Nei, sleppi miklu, gef svo mikið, og elda fiskisúpu.? Hann staðfestir það sem margir vita að Elliðavatnssilungur er ljúfmeti. ,,Einn sá besti. Syndir í drykkjarvatninu okkar og étur þessi fínu skordýr?. En minnkandi afli þýðír ekki minni fisk. Hann segir að bleikjan sé mun vænni núna enda fáliðaðri en á árum áður, og ekki óalgengt að fá 3-4 punda urriða, jafnvel bleikjur af þeirri stærð. Það eru fínir fiskar? ,,Já, en bestur er samt pundsfiskurinn?.
LEIT