23.6.2007
Glær Laxá
Félagar sem komu úr Laxá í Mývatnssveit í gær sögðust aldrei hafa séð ána jafnglæra. Viðmælandi okkar sem hefur veitt þar árlega í 11 ár sagði að þetta hefði verið mjög gaman og sérstaklega þá að sjá ána svona í nýju ljósi. ?Mér leið eins og ég væri byrjandi þarna, þetta var bara kropp,?sagði okkar maður.
?Það var mjög lítil hreyfing á fiskinum og hann lá djúpt. Áin var kristaltær og mikið vatn í henni. Menn fengu fiska en það var ekki mikið, maður sá í bókinni að þessir refir sem þekkja ána best, voru að veiða ágætlega en aðrir voru dálítið áttavilltir núna. Veðrið var yndislegt og sem dæmi um hvað fiskurinn var rólegur get ég nefnt að í fyrrakvöld átti ég Vörðuflóann í 20 stiga hita og blankalogni, þegar klukkan var orðin tíu líktist þetta einna helst paradís en ég sá varla hreyfingu á yfirborðinu, það var hvergi uppitak.?
LEIT