Í Flugufréttum vikunnar er líka tekið hús á veiðimönnum við veiðar í Svalbarðsá. Veiðimanni sem lenti í ótrúlegri uppákomu með ránbleikjum í fjallavatni og einum sem lenti í því óhappi að brjóta stöngina sína. Flugufréttir brutu einnig niður veiðina hingað til á tímabilinu, það er víða potturinn brotinn og ljóst að sum staðar virðist einfaldlega vanta laxinn. Á sumum svæðum virðist vera töluvert af fiski en takan hefur verið hæg. Mest höfum við frétt af óvenjulega sterkri veiði í Rangárnar og þá frekar Eystri auk þess hefur Sogið verið að dafna vel þetta sumar sem eru gleðitíðindi eftir mörg mögur ár. Skráðu þig hérna til að gerast áskrifandi af vikulegum Flugufréttum, þær mæta brakandi ferskar til þín í tölvupósti alla föstudaga í 20 ár!
Hvernig verður sumarið?
Það er athyglisvert að skoða veiðitölur nú um mitt sumar hafa valdið vonbrigðum, sérstaklega á Vesturlandi en spáð hafði verið ágætum smálaxagöngum. Ef árnar í Borgarfirði eru skoðaðar má sjá að Norðurá var komin í 475 laxa á miðvikudaginn. Árið 2018 var hún komin yfir 1000 laxa á svipuðum tíma og í 800 laxa árið 2017.
Þverá og Kjarrá eru komnar í 345 laxa. Laxafjöldinn var hins vegarkominn yfir 1000 á svipuðum tíma árið 2018 og yfir 1000 laxa árið 2017.
187 laxar eru komnir upp úr Blöndu. Áið 2018 voru þeir 417 talsins og 514 árið 2017.
Það því ljóst að nokkuð vantar uppá til að þessar ár og fleiri nái því flugi sem vonast var eftir. Árnar á Suðurlandi virðast vera á ágætum málum, í það minnsta virðast sleppingarnar í Eystri Rangá skila sér vel um þessar mundir.
LEIT