Laxar og sjóbleikjur ráða ríkjum í Flugufréttum vikunnar. Eftir gríðarlegt regn á Norðurlandi hafa árnar þar fyllst af súrefnisríku vatni og stórlaxarnir skríða úr fylgsnum sínum. Nesveiðar í Aðaldal tóku kipp um miðja vikuna og sömu sögu er að segja af Hrútafjarðará. Flugufréttir ræða við veiðimenn sem brosa út að eyrum í Aðaldal og Hrútafirði. Síðan er farið á sjóbleikjuslóðir fyrir austan og veitt bæði í Fjarðará á Borgarfirði eystra og Norðfjarðará í Neskaupstað. Og við kíkum einnig í Bjarnafjarðará á Ströndum. Loks er sagt frá heljarmiklu skoti sem kom á Barnafelli í Skjálfandafljóti og bæjarstjórinn á Akureyri veiddi á dögunum einn af allt of fáum löxum sem komið hafa á land úr Norðurá. Nú hlýtur að fara að rigna syðra og þá er von á veislu. Á myndinni er Eiður Pétursson með 107 sm hæng af Nesveiðum í Aðaldal.
LEIT