Það má með sanni segja að tilraunaveiðin við urriðafoss í Þjórsá hafi gengið vel. Þar hófst veiðin 1. júní síðastliðinn. Á svæðinu er veitt á tvær stangir og kvótinn er fimm laxar á stöng á dag. Harpa Hlín Þórðardóttir hjá Iceland Outfitters sem er með svæðið á leigu, sagði í samtali við Flugufréttir að kvótanum væri iðulega náð og oft fyrir hádegi.
"Við vissum í raun og veru ekki út í hvað við vorum að fara en vorum spennt og það voru bændurnir líka enda vissu hvað þeir að þarna væri töluvert af laxi enda höfðu verið að veiða þarna í net síðustu áratugina," segir Harpa.
Það sem hefur komið einna mest á óvart er hversu vel gengur að veiða á flugu á veiðisvæðinu, því áin er skoluð eins og flestir vita. En góðir veiðimenn virðast ekki vera í vandræðum með að veiða á flugu við fossinn að sögn Hörpu sem segir hefðbundnar túpur í stærri kantinum gefa vel.
Nánar er fjallað um veiðina í Þjórsá í Flugufréttum vikunnar.
LEIT