Sú staðreynd að filtsólar draga í sig vatn og halda því, er hluti af vandanum vegna smits ýmissa baktería og sníkjudýra milli vatnasvæða. Langt í frá að vera einu sökudólgurinn en er samt sem áður talið að með því að banna notkun filtsóla megi minnka líkurnar á smiti.
Ýmsir aðilar hafa skorað á framleiðendur að hætta framleiðslu filtsóla, meðal annarra Trout Unlimited árið 2008. Vermont er ekki fyrsta ríkið í Bandaríkjunum til þess að banna notkun filtsóla. Alaska setti löggjöf sem bannar notkun frá og með árinu 2012 og Nýja Sjáland bannaði að auki alfarið þessa tegund skófatnaðar árið 2009.
Gert er ráð fyrir að önnur ríki Bandaríkjanna fylgi í kjölfar Alaska og Vermont og banni notkun filtsóla. Þó kemur skýrt fram hjá viðkomandi aðilum að þeir gera ekki ráð fyrir að bann á notkun filtsóla stöðvi alfarið smit.
Samkvæmt Trout Unlimited telja þó rannsakendur í Montana, Nýja Sjálandi og í vestur Kanada að rekja megi hluta vandans til filtsóla og að bannið geti haft jákvæð áhrif á skilning veiðimanna á smithættu.
Bannið í Nýja Sjálalandi má rekja til útbreyðslu þörungs sem heitir á íslensku Vatnaflóki (e. Didymo eða Rock snot). Í grein Ágústs Úlfars Sigurðssonar í fréttabréfi Ármanna frá í september 2009 kemur fram að Vatnaflóki er nú þegar útbreiddur á Íslandi.
Það er því spurning hvað skal velja næst þegar vöðluskór eru á innkaupalistanum!
LEIT