,,Það er ekki hægt að skorðast undan þessari áskorun. Ég hef starfað sem leiðsögumaður í nokkrum ám í nokkur ár. S.l. sumar við gnægtaborðið í Norðurá spurði ég yfir hópinn sem taldi ca 10 manns, flestir miklir reynsluboltar, eftirfarandi spurningar: Ef að vinur ykkar mundi hringja í ykkur og bjóða ykkur í laxveiði með þeirri einni kvöð að þið mættuð bara taka með ykkur fjórar flugur, hvaða flugur tækjuð þið með ykkur? Þið fengjuð ekki að vita í hvaða á þið væruð að fara og ekki heldur hvar á landinu áin væri.
Nánast allir nefndu svartan Fransis, Sunray shadow og Golly dog. Fjórða flugan var nokkuð misjöfn á milli manna en nefndar voru Silver sheep, Green butt, rauður Fransis, Dimma og ekki þarf að koma á óvart að Sigurður Héðinn nefndi Haug.
Hvaða 10 flugur ég mundi nota með tilliti til þess að þær ættu að duga í lax, sjóbirting, bleikju og urriða eru: Svartur fransis, Sunray shadow, Green butt, Peacook, Black Zulu, Svartur nobbler, Orange nobbler, Heimasæta og til að hafa nú eina þurrflugu með nefni ég Royal Wulf.
Með veiðikveðju
J. Trausti Magnússon.
Við þökkum Trausta og nú er það næsti maður:
Gústaf Gústafsson, markaðs- og fjáröflunarstjóri Krabbameinsfélagsins, sendi okkur lista um daginn og við birtum hann hér öðrum veiðimönnum til hvatningar.
Peacock:
Frábær fluga sem hefur gefið mér helling af silungi og einn lax.
Þýsk snælda:
Sjóbirtingur og lax, alger snilld í Straumunum og Langá.
Svartur dýrbítur:
Alhliða fluga í alla veiði, bleikja, lax og birtingur - hef ekki
veitt á þessa bleiku ennþá.
Brúnn og gulur Nobbler:
Úrvals fluga í vatnaveiði, gaf vel á heiðinni þegar vatnið var annars dautt.
Ófeigur:
Frábær í silung, eina flugan sem gaf eitthvað í Langavatni síðasta
sumar þegar bleikjan elti hana upp í landsteina og náði 5 punda bleikju á Arnarvatnsheiðinni auk þess sem hún reyndist vel á Snæfellsnesinu í Lýsuvötnum. Ég hef líka heyrt af mönnum sem hafa náð laxi á hana fyrir austan.
Black Gnat:
Barasta hreinasta snilld, urriði í Austurá á Arnarvatnsheiði, 5
stk. í röð við sama stein, allt á Black Gnat, ég dýrka þessa flugu,
frábær í vatnaveiðina einnig.
Heimasætan:
Þarf að útskýra valið?
Black Ghost SP:
Skemmtileg straumfluga, hef ekki fengið stór kvikindi á hana ennþá
en bíð spenntur.
Ally's shrimp:
Frábær í nýgengin lax
GF Flugan:
Annar laxinn minn reif þessa í sig á versta tíma í vatnslausri
Langánni, eini laxinn í hollinu, bjargaði túrnum.
LEIT